“Atletiko Madrid” mövsümə yaxşı başlayıb. Dieqo Simeonenin yetirmələri 4 oyundur qol buraxmır. La Liqada komanda turnir cədvəlində yalnız “Barsa”ya uduzur və əzəli rəqibi “Real Madrid” ilə qonşu pillələrdə qərarlaşıb. Yeni transferlər komandaya adaptasiya olunub. Üstəlik, Konor Qallaher və Xulian Alvarez son oyunda “Valensiya”nın torunu silkələməyi bacarıb. Qısası, Simeoneyə kimsə dil uzada bilməz…

“Union Berlin” ilə oyunda Openda penaltini dəqiq yerinə yetirə bilsəydi, “RB Leypsiq” üçün ideal sezon startı barədə danışa bilərdik. Buna baxmayaraq, “RB Leypsiq” 16 oyundur məğlubiyyətin nə olduğunu bilmir. Son çempion “Bayer Leverkuzen” üzərində qazanılan 3:2 hesbalı qələbə isə lap yerinə düşdü.

“RB Leypsiq”in hücum xətti əladı və onlardan 1 qol gözləmək haqqımızdır. Lakin oyunun harada keçirildiyi çox önəmlidir. “Metropolitano” Simeonenin fəth olunmaz qalasıdır.

Hesab proqnozu: 2:1